Средба Канческа-Милевска со бугарскиот колега:

РАШИДОВ ПРЕДЛОЖИ ЗАЕДНИЧКО ОДБЕЛЕЖУВАЊЕ НА БИТКАТА КАЈ ВРВОТ КАЈМАКЧАЛАН

(Преземено од „Република”)


На средбата министерот Рашидов и предложи на министерката Канческа-Милевска да се разгледа можноста за заедничко одбележување на битката кај врвот Кајмакчалан со поставување спомен-обележја од двете држави. Министрите за култура оценија дека е потребно заеднички да се надмине нелегалната ситуација настаната со поставувањето и уривањето на спомен-плочата на врвот Кајмакчалан. Канческа-Милевска се заблагодари за посетата и изрази уверување дека македонската страна со посебно внимание ќе ја разгледа бугарската иницијатива за поставување на спомен-обележјата на врвот Кајмакчалан согласно со законските пропси во Република Македонија
Министерката за култура Елизабета Канческа-Милевска денеска оствари средба со својот бугарски колега Вежди Рашидов, информираат од министерството.
На средбата биле потенцирани одличните релации во областа на културата меѓу двете земји кои резултираа и со потпишувањето на Програмата за соработка во областа на културата за периодот 2015-2017 година.
„Mинистрите за култура потврдија дека во изминатиот период се реализирани многубројни проекти и инцијативи кои ја унапредија меѓуинституционалната соработка на установите во двете држави. Министерката за култура се осврна на континуираното присуство на бугарските уметници на реномираните манифестации во Република Македонија, како и многубројните претставувања на македонските уметници на интернационалните настани во Република Бугарија. Со посебно внимание Канческа-Милевска го потенцираше интересот на бугарските издавачки куќи за македонските автори што е подвлечен и со големиот број поддржани проекти во рамките на конкурсот за странски издавачи преку кој досега е поддржан превод на 23 македонски автори на бугарски јазик. Двајцата министри ја истакнаа и соработката на мултилатерално ниво, заедничките иницијативи во УНЕСКО, како и успешната работа на културно-информативните центри во двете земји.
Двајцата министри ја истакнаа и соработката на мултилатерално ниво
На средбата министерот за култура Вежди Рашидов информираше дека Бугарскиот културен центар кој функционира во Република Македонија, од јануари 2017 година ќе биде сместен во нови простории во центарот на Скопје. Во таа насока, Рашидов и Канческа-Милевска се заложија новите простории да бидат отворени со голема изложба на млади и талентирани македонски и бугарски автори преку чие творештво ќе биде презентирана современата ликовна уметност на двете земји.
На средбата беше искажана и политичка волја за одбележување на културно-историски настани од значење за Република Македонија, Република Бугарија и за другите земји од регионот. Канческа-Милевска и Рашидов се согласија дека пораките од ваквите заеднички настани не треба да внесуваат поделби и да ги оптоваруваат односите меѓу државите, туку дека треба да бидат во насока на негување на европските вредности.
На средбата министерот Рашидов и предложи на министерката Канческа-Милевска да се разгледа можноста за заедничко одбележување на битката кај врвот Кајмакчалан со поставување спомен-обележја од двете држави. Министрите за култура оценија дека е потребно заеднички да се надмине нелегалната ситуација настаната со поставувањето и уривањето на спомен-плочата на врвот Кајмакчалан. Канческа-Милевска се заблагодари за посетата и изрази уверување дека македонската страна со посебно внимание ќе ја разгледа бугарската иницијатива за поставување на спомен-обележјата на врвот Кајмакчалан согласно со законските пропси во РМ.
Министерката за култура се осврна на континуираното присуство на бугарските уметници на реномираните манифестации во Република Македонија
На средбата, двајцата министри за култура уште еднаш ги реафирмираа своите цврсти заложби за што поголема промоција на македонската и на бугарската култура во двете земји.