(Преземено од МИМ)
Подобар социјален статус, враќање на дигнитетот на писателот, враќање на рецензијата, кревање на гласот на писателот за горливите прашања во татковината побараа македонските писатели на редовното годишно Собрание во Друштвото на писателите на Македонија. Писателите дебатираа на тема "Местото и улогата на писателот во културните и општествени процеси", а се осврнуваа и на политичката состојба во земјава.
Собранието го отвори писателот Веле Смилевски, кој истакна дека местото и улогата на писателот се маргинализирани, неговиот труд е несоодветно вреднуван, а литературната критика е во сериозна криза. |
Коалицијата предводена од ВМРО-ДПМНЕ на вчерашните предвремени парламентарни избори освои 53 пратеници, а исто така ги освои и трите пратенички места од дијаспората. СДСМ доби 42 мандати, ДУИ 15, ДПА 8 и НДП 2. Ова се првичните официјални резултати добиени од оригиналните записници од општинските избирачки комисии што денеска на прес-конференција ги објави претседателот на ДИК Борис Кондарко.
На плоштадот "Македонија" денеска беше поставена скулптурата на Александар Македонски на постаментот на фонтаната. Како што информираат од општина Центар, скулптурата е изработена од бронза, а е висока речиси 13 метри. Ќе биде поставена на бетонски постамент висок 10 метри. "Воинот на коњ", како што официјално ја нарекуваат скулптурата, е изработен во леарницата "Фернандо Маринели" во Фиренца.
Многубројни почитувачи на делото на Кочо Рацин завчера се собраа на Лопушник за да му оддадат почит на местото на загинувањето на поетот и револуционер. Планинари од Копачијата вешто се качуваа по тешката патека поради водата и калта од наврнатиот дожд. На планината Бистра дојдоа гости од Кичево, Прилеп, Скопје, Велес, Лазарополе за да му оддадат почит на Рацин кој тука, на 13 јуни 1943 година, во уште неразјаснети околности беше застрелан од своите соборци, кога вечерта доаѓал во печатницата.
Атина индиректно го признава постоењето на македонскиот јазик со тоа што го поддржа и помогна печатењето на првиот Македонско–грчки речник. Речникот кој ќе биде промовиран на 22 јуни во Брисел , а ќе се печати во Солун, го финансира Centar Maurits Coppieters, фондација на Европската Слободна Алијанса, чии членови се и грчки европратеници.
Со една поранешна колешка од "Софискиот универзитет", неодамна разговаравме за бугарскиот национализам. Таа ме убедуваше дека има разлика меѓу традиционалниот национализам и модерните негови форми, а јас бев на став дека во тој случај е валидна поговорката "Волкот го менува влакното, но не и табиетот". За секој случај, решив да ги проверам разликите во бугарската варијанта на "Википедија". И еве што прочитав. Национализмот бил "идеологија, која ја истакнува надмоќта на една (сопствената) нација над другите нации и/или политика, која има цел таа нација во стварноста да се наложи над нив."
Со статијата "Лоренс од Македонија", тогаш највлијателниот светски политички магазин, "Тајм" од Њујорк, во март 1977 го најави новиот американски амбасадор во Белград, Лоренс Иглбергер. Претседателот Џими Картер го одбрал поради исполнување на тогаш воспоставените три мерила: дипломатско искуство, пријатели во земјата на службувањето и познавање на домашниот јазик. И сегашниот амбасадор Филип Рикер е пример за ова!
Македонија да ги почне преговорите со ЕУ без спорот за името како предуслов. Крајот на преговорите за членство во Унијата бара согласност од сите земји-членки, така што дотогаш двете земји можат да работат на решавање на спорот. Ваков е австрискиот став за прашањето за името кој вчера во Виена на претседателот Ѓорѓе Иванов му го соопшти неговиот домаќин Хајнц Фишер.
Брисел е со позитивни оценки за вчерашните предвремени избори во Македонија. Според Европската комисија, изборите покажале политичка зрелост и фер однесување од страна на политичките субјекти, што ќе има големо влијание за евроската иднина на Македонија, изјави портпаролката на Комисијата, Маја Коцијанчич. Сепак ЕК ќе ги причека конечните изборни резултати од Државната изборна комисија, и тогаш поопширно ќе се произнесат, како за кампањата така и за денот на изборите. Позитивен белег кај европратениците оставил и големиот одѕив на гласачите на вчерашните предвремени парламентарни избори.
На повеќе милијарди евра беше проценет имотот чие враќање го побаруваат прогонетите Македонци од Грција, а кој сега најчесто е во рацете на нивните роднини, соселани или е одземен од страна на грчката држава.
