(Преземено од МИМ)
Републичкиот фестивал на народни песни и игри "Илинденски денови"-Битола, 41-то издание ќе го реализира од 29 јули до 1 август кога ќе настапат 32 фолклорни групи и ансамбли. Годинава за прв пат ќе биде домаќин и на гости од Мексико.
На летната сцена во ракометното игралиште, на плоштадот "Магнолија" и во античкиот локалитет Хераклеја, освен гостите од Мексико, ќе настапат и културно уметнички друштва од Австралија, Полска, Романија, Словенија, Хрватска, Бугарија, Грција, Турција и Македонија, информираат од НУ Центар за култура, организатори на фестивалот во Битола. |
На 5 юли 2011 г. в сградата на Българския хелзинкски комитет в София се състоя среща между специалния пратеник на ООН за малцинствата г-жа Гей Макдугъл и представители на малцинствата в България. От страна на македонското малцинство присъстваше съпредседателят на ОМО „Илинден" - ПИРИН Ботьо Вангелов Тиков. Разисквани бяха множество въпроси и представителите на малцинствата изнесоха своите оплаквания и искания пред представителя на ООН.
ОМО „Илинден" - ПИРИН, политичка партија на македонското малцинство во Бугарија, Австралиско-Македонскиот Комитет за човекови права (АМКЧП) и Македонското меѓународно движење за човекови права (ММДЧП) ја поздравуваат посетата на Геј Мекдугал, независниот експерт за малцински прашања во Обединетите нации која што оваа недела престојува во Бугарија.
Денес, независниот експерт се сретна со претставници на македонското малцинство во земјата. Делегацијата се состои од: Стојко Стојков, ко-претседател на ОМО „Илинден" - ПИРИН, Георги Христов, главен уредник на македонскиот весник во Бугарија "Народна волја" и член на Централниот совет на ОМО "Илинден" - ПИРИН, Страхил Тупалски, член на Централниот совет на ОМО „Илинден" - ПИРИН и Стојан Герасимов од Здружението на репресираните Македонци. 
Државите наследнички на поранешна СФРЈ постигнаа договор за првата распределба на имотот на некогашната заедничка држава. Македонија според договореното, во првата фаза од распределбата на имотот ќе ја добие амбасадата во Канбера и конзулатот во Атина. Генералниот секретар на српското Министерство за надворешни работи, Владимир Чургуз за агенцијата "Танјуг" посочува дека согласно договорот, Србија ќе и ја предаде на Хрватска зградата на амбасадата во Виена и два стана во Трст.
Доволно е човек да ги гледа изјавите и да ги чита колумните на поранешни министри и дипломати, на поранешни пратеници во македонското Собрание за да му стане јасно зошто две децении по објавувањето на независноста Македонија тапка в место. Независноста ниту е еднократен, ниту е формален акт. Тие луѓе на високи позиции логично ја резилат државата, затоа што не се еманципирани. Еманципираност значи прво да се победиш себеси, своето его, своите емоции, своите комплекси.
Делата на Ѓорѓија Пулевски биле пионерски во многу аспекти, но долго време не добивале заслужена афирмација во балканската и македонската научна јавност. Неговиот лик, кој наскоро ќе биде овековечен со споменик во неговиот роден Галичник, дури во поново време го добива соодветниот третман во нашата историја. За значењето на ангажманот на Пулевски околу создавањето граматика и нормирање на македонскиот литературен јазик и азбука, но и за Пулевски како комита, активен публицист, учебникар, историчар, собирач на македонски народни умотворби и етнограф зборува Билјана Ристовска-Јосифовска, научна советничка во Институтот за национална историја, чиј докторат е токму на темата "Ѓорѓија М. Пулевски - револуционер и културно-национален деец".
Отворањето на патиштата за нови начини на справувањето со шеќерната болест и со прекумерната тежина кај луѓето е суштината на научниот труд зад кој стои младиот македонски научник д-р Мирко Трајковски и неговите соработници од реномираниот швајцарски Федерален институт на технологии лоциран во Цирих (ЕТХ). Трудот, во кој е објаснета суштината на научното сознание, годинава веќе е објавен во едно од најпознатите научни списанија "Нејчр" (Nature), го става Трајковски во редот од најперспективните македонски научници од помладата генерација.
Аплаузи како ретко кој филм доби македонскиот "Панкот не е мртов" на фестивалот во Карлови Вари! Во полната сала на прекрасниот градски театар околу 200 луѓе завчера бурно и долго го испраќаа делото во режија на Владимир Блажевски. Публиката дури изненадувачки често се смееше и реагираше на многу делови од најновиот македонски долгометражен филм. Режисерот Блажевски, кој во Карлови Вари е во друштво со продуцентот Дарко Попов и актерите Јодран Симонов и Камка Тоциновски, не го крие воодушевувањето од премиерата.
Повеќе од 4 илјади Македонци синоќа беа собрани во леринското село Овчарани во Егејска Македонија, на традиционалното одбележување на христијанскиот празник Илинден, за да им докажат на официјалните грчки власти дека Грција не е еднонационална држава како што тврди нејзината официјална политика. Собирот го организира локалната самоуправа на ова село во северна Грција, а под покровителство на локалниот претседател Панајотис Анастасиадис, Македонец што успеа на последните локални избори во Грција како независен кандидат да застане на чело на Овчарани.
Ото фон Хабсбург, син на последниот австроунгарски цар, и голем пријател и поддржувач на Македонија, почина вчера на 98 години во својот дом во Баварија.
